నేడు గడప గడపకు ప్రభుత్వంపై జగన్ సమీక్ష
ఏపీ ముఖ్యమంత్రి జగన్ నేడు గడప గడపకు ప్రభుత్వం కార్యక్రమంపై సమీక్ష చేయనున్నారు.
ఏపీ ముఖ్యమంత్రి జగన్ నేడు గడప గడపకు ప్రభుత్వం కార్యక్రమంపై సమీక్ష చేయనున్నారు. మధ్యాహ్నం 3 గంటల కు ముఖ్యమంత్రి క్యాంప్ కార్యాలయంలో ఈ సమీక్ష చేయనున్నారు. ఈ సమీక్షకు వైసీపీ ఎమ్మెల్యేలు, మంత్రులతో పాటు పార్టీ ఇన్ ఛార్జులు కూడా హాజరుకానున్నారు.
ప్రతి నెల...
ప్రతి నెల ముఖ్యమంత్రి జగన్ గడప గడపకు ప్రభుత్వం కార్యక్రమంపై సమీక్ష చేస్తున్న సంగతి తెలిసిందే. ఈ కార్యక్రమాన్ని ప్రతిష్టాత్మకంగా తీసుకున్న జగన్ ఎమ్మెల్యేలను, మంత్రులను, పార్టీ ఇన్ ఛార్జిలను ప్రజల ముందుకు వెళ్లేలా గడప గడపకు కార్యక్రమాన్ని రూపొందించారు. ఈ కార్యక్రమం అమలు తీరుపై జగన్ సీరియస్ గా ఉన్నారు. ఎప్పటికప్పుడు నివేదికలు తెప్పించుకుంటూ సమీక్షలు నిర్వహిస్తున్నారు.