ఏపీ ఉపజిల్లాలకు నోటిఫికేషన్.. తక్షణమే అమల్లోకి

ఏపీలో కొత్తగా ఉపజిల్లాల ఏర్పాటుకు ప్రభుత్వం నోటిఫికేషన్ విడుదల చేసింది. రాష్ట్రంలో భూముల రీ సర్వే అనంతరం పాలన, పౌరసేవలు, రిజిస్ట్రేషన్ల ప్రక్రియ వేగంగా నిర్వహించేలా కొన్ని జిల్లాల్లో ఉప జిల్లాలను ఏర్పాటు చేస్తూ.. రాష్ట్ర ప్రభుత్వం నోటిఫికేషన్ జారీ చేసింది. అనకాపల్లి, చిత్తూరు, కృష్ణా, పార్వతీపురం, మన్యం, నెల్లూరు, శ్రీకాకుళం, తిరుపతి, విజయనగరం, కడప, కోనసీమ, ఏలూరు, కర్నూల్, తూర్పు గోదావరి జిల్లాల్లో సబ్ జిల్లాలను ఏర్పాట్లు చేస్తున్నట్లు ఈ ఉత్తర్వుల్లో పేర్కొంది. ప్రభుత్వ ప్రధాన కార్యదర్శి, స్టాంపులు, రిజిస్ట్రేషన్ల శాఖ తరపున జారీ చేసిన ఈ నోటిఫికేషన్ తక్షణమే అమల్లోకి వస్తుందని ప్రభుత్వం పేర్కొంది.