అయేషా కేసు - తనకు పరిహారం చెల్లించాల్సిందేనంటున్న సత్యంబాబు

గుంటూరు : బీ.ఫార్మసీ విద్యార్ధిని అయేషా మీరా కేసులో నిర్ధోషిగా విడుదలైన తనకు పరిహారం చెల్లించాలని సత్యం బాబు ఆంధ్రప్రదేశ్ ప్రభుత్వాన్ని కోరారు. ఎన్టీఆర్ జిల్లా కలెక్టర్ ఢిల్లీ రావును సత్యం బాబు సోమవారం నాడు కలిశారు. స్పందన కార్యక్రమంలో భాగంగా కలెక్టర్ ఢిల్లీ రావుకు వినతిపత్రం సమర్పించారు. రెండు ఎకరాల సాగు భూమితో పాటు రూ. 10 లక్షల పరిహారం చెల్లించాలని ఆ వినతి పత్రంలో కలెక్టర్ ను కోరారు. చేయని నేరానికి తాను 9 ఏళ్ల పాటు జైలు శిక్షను అనుభవించినట్టుగా సత్యం బాబు చెప్పారు. ప్రభుత్వమే తనకు న్యాయం చేయాలని, ఆయేషా మీరా కేసులో తనను హైకోర్టు నిర్ధోషిగా ప్రకటించినందున పరిహారం చెల్లించాలని కోరారు. తాను చేయని నేరానికి 9 ఏళ్లు జైలుశిక్ష అనుభవించానని.. ప్రభుత్వం తనకు న్యాయం చేయాలని సత్యంబాబు కోరారు. 2 ఎకరాల సాగు భూమి, రూ.10 లక్షల పరిహారం ఇవ్వాలన్నారు. కలెక్టర్ తన అభ్యర్థనపై సానుకూలంగా స్పందించారని.. త్వరలోనే న్యాయం చేస్తారని భావిస్తానన్నారు.