నేడు సీఐడీ కస్టడీకి చంద్రబాబు నాయుడు

శనివారం ఉదయం 9.30 నుంచి సాయంత్రం 5 గంటల వరకూ ప్రశ్నిస్తారు. మధ్యలో ఓ గంట భోజనం కోసం విరామం ఇస్తారు. విచారణ జరిగే సమయంలో అటు చంద్రబాబు, ఇటు సీఐడీ తరపున న్యాయవాది ఉంటారు. డీఐజీ స్థాయి అధికారి పర్యవేక్షణలో విచారణ ప్రక్రియ జరుగుతుందని సీఐడీ వర్గాలు చెప్పాయి. గంటకోసారి అయిదు నిమిషాల విరామమిచ్చి తన తరపున న్యాయవాదిని సంప్రదించుకునేందుకు చంద్రబాబుకు అవకాశం ఉంటుంది. ఇదే విషయాన్ని కోర్టు, సీఐడీకి సూచించింది. విచారణను సీఐడీకి చెందిన వీడియోగ్రాఫర్‌తో మాత్రమే రికార్డు చేయించాలని, ఆ వీడియో మొత్తాన్ని సీల్డ్‌కవర్‌లో న్యాయస్థానానికి సమర్పించాలని న్యాయస్థానం స్పష్టం చేసింది. విచారణ కోసం రాజమండ్రి సెంట్రల్ జైలులో ఓ గదిని రెడీ చేశారు అధికారులు. విచారణ మొత్తాన్నీ వీడియో తీసి, ఏసీబీ కోర్టుకు సమర్పిస్తారు.