ఏపీపై కరోనా పంజా.. కొత్తగా 10 వేలకు పైగా కేసులు

గడిచిన 24 గంటల్లో రాష్ట్రంలో 41,713 మంది నుంచి సేకరించిన కరోనా శాంపిళ్లను పరీక్షించగా.. 10,057 కేసులు బయటపడ్డాయి. వీటితో కలిపి ఏపీలో ప్రస్తుతం 44,935 యాక్టివ్ కేసులున్నట్లు వైద్యారోగ్యశాఖ తెలిపింది. అలాగే ఇదే సమయంలో మరో 8 మంది కరోనాతో చనిపోవడంతో.. మృతుల సంఖ్య 14,522కి పెరిగింది. కరోనా కారణంగా విశాఖలో ముగ్గురు, చిత్తూరు, గుంటూరు, నెల్లూరు, శ్రీకాకుళం, విజయనగరం జిల్లాల్లో ఒకరు చొప్పున మృతి చెందినట్లు బులెటిన్ లో పేర్కొంది. కొత్తగా 1222 మంది కోవిడ్ నుంచి కోలుకోగా.. రికవరీల సంఖ్య 20,65,089గా ఉంది. ఇప్పటివరకూ రాష్ట్రంలో 3 కోట్ల 19 లక్షల 64 వేల 682 మందికి కరోనా నిర్థారణ పరీక్షలు చేయగా.. 21,27,441మంది కోవిడ్ పాజిటివ్ గా నిర్థారణ అయింది.