రెండు గంటల్లోనే దర్శనం
తిరుమలలో భక్తుల రద్దీ తగ్గింది. మంగళవారం కావడంతో భక్తుల రద్దీ అంతగా లేదు. వై
తిరుమలలో భక్తుల రద్దీ తగ్గింది. మంగళవారం కావడంతో భక్తుల రద్దీ అంతగా లేదు. వైకుంఠం కాంప్లెక్స్ లోని కేవలం రెండు కంపార్ట్‌మెంట్లలోనే భక్తులు శ్రీవారి దర్శనం కోసం వేచి ఉన్నారు. వీరికి వెంటనే దర్శనం జరిగిపోతుందని అధికారులు తెలిపారు. సర్వదర్శనం టోకెన్లు లేని భక్తులు ఇప్పుడు క్యూ లైన్ లో ప్రవేశించేవారికి స్వామి వారి దర్శనానికి రెండు గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు.
ప్రత్యేక దర్శనం...
మూడు వందల రూపాయల శీఘ్ర దర్శనం టోకెన్లు తీసుకున్న భక్తులకు స్వామి వారి దర్శనం కేవలం గంటలోనే పూర్తవుతుందని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారిని 71,496 మంది భక్తులు దర్శించుకున్నారు. వీరిలో 26,098 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 5.33 కోట్ల రూపాయలు వచ్చిందని తిరుమల తిరుపతి దేవస్థానం అధికారులు వెల్లడించారు.