Tirumala : తిరుమలలో భక్తుల రద్దీ నేడు ఎలా ఉందంటే?

రేపు శనివారం కూడా భక్తుల రద్దీ ఎలా ఉంటుందో చెప్పలేని పరిస్థితి. రెండు రోజుల పాటు దానా తుపాను ప్రభావం ఉండే అవకాశముంటుందని అధికారులు చెబుతున్నారు. భారీ వర్షాలు మరో రెండు రోజులుంటాయని చెప్పడంతో ఇదే రద్దీ కొనసాగే అవకాశముంది. ఈరోజు తిరుమలలోని వైకుంఠం క్యూ కాంప్లెక్స్లోని తొమ్మిది కంపార్ట్‌మెంట్లలోనే భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఆరు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు నాలుగు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుంది. నిన్న తిరుమల శ్రీవారిని 61,004 మంది దర్శించుకున్నారు. వీరిలో 20,173 మంది భక్తులు తలనీలాలు సమర్పించారు. నిన్న తిరుమల శ్రీవారి హుండీ ఆదాయం3.48 కోట్ల రూపాయలు వచ్చిందని అధికారులు తెలిపారు.