రష్ అంతగా లేదు.. రీజన్ ఇదే
తిరుమలలో భక్తుల రద్దీ సాధారణంగా ఉంది. గురువారం కావడంతో భక్తుల రద్దీ ఎక్కువగా లేదని అధికారులు చెబుతున్నారు
తిరుమలలో భక్తుల రద్దీ సాధారణంగా ఉంది. గురువారం కావడంతో భక్తుల రద్దీ ఎక్కువగా లేదని అధికారులు చెబుతున్నారు. వైకుంఠం క్యూ కాంప్లెక్స్ లోని పథ్నాలుగు కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్ లో ఉన్న భక్తులకు ఐదు గంటల దర్శన సమయం పడుతుంది. ఉదయం ఏడు గంటల తర్వాత సర్వదర్శనం క్యూ లైన్ లో వెళ్లేవారికి మాత్రం శ్రీవారి దర్శనం 16 గంటల సమయం పడుతుందని తిరుమల తిరుపతి దేవస్థానం అధికారులు తెలిపారు.
ప్రత్యేక దర్శనం...
ఇక మూడు వందల రూపాయల శీఘ్రదర్శనం చేసుకునే భక్తులకు రెండు నుంచి మూడు గంటల సమయం పడుతుందని అధికారులు వెల్లడించారు. నిన్న తిరుమల శ్రీవారిని 60,931 మంది భక్తులు శ్రీవారిని దర్శించుకున్నారని తిరుమల తిరుపతి దేవస్థానం అధికారులు వెల్లడించారరు. వీరిలో 24,038 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 3.67 కోట్ల రూపాయలు వచ్చిందని అధికారులు తెలిపారు.