రద్దీ లేదు... శనివారం కూడా?
తిరుమలలో భక్తుల రద్దీ సాధారణంగా ఉంది. శనివారం కూడా భక్తుల రద్దీ పెద్దగా లేదు
తిరుమలలో భక్తుల రద్దీ సాధారణంగా ఉంది. శనివారం కూడా భక్తుల రద్దీ పెద్దగా లేదు. విద్యార్థులకు పరీక్షల సీజన్ కావడంతో రద్దీ తక్కువగా ఉందని తిరుమల తిరుపతి దేవస్థానం అధికారులు చెబుతున్నారు. వైకుంఠం క్యూ కాంప్లెక్స్ లోని పదకొండు కంపార్ట్‌మెంట్లలో భక్తులు స్వామి వారి దర్శనం కోసం వేచి ఉన్నారు. సర్వదర్శనం భక్తులు స్వామివారిని ఐదు గంటల్లో దర్శించుకుంటున్నారు. ఉదయం ఏడు గంటలకు సర్వదర్శనం టోకెన్లు లేకుండా క్యూ లైన్ లో ప్రవేశించే భక్తులకు మాత్రం శ్రీవారి దర్శనం పన్నెండు గంట సమయం పడుతుందని అధికారులు తెలిపారు.
హుండీ ఆదాయం....
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శనం గంట నుంచి రెండు గంటల సమయంలో పూర్తవుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 58,137 మంది భక్తులు దర్శించుకున్నారు. 26,805 మంది భక్తులు స్వామివారికి తలనీలాలను సమర్పించి తమ మొక్కులు చెల్లించుకున్నారని అధికారులు తెలిపారు. నిన్న తిరుమల శ్రీవారి హుండీ ఆదాయం 3.30 కోట్ల రూపాయలు వచ్చిందని అధికారులు వెల్లడించారు.