Tirumala : తిరుమలలో తగ్గిన భక్తుల రద్దీ
తిరుమలలో నేడు భక్తుల రద్దీ సాధారణంగానే ఉంది. ఉగాది పండగ కావడంతో ఎక్కువ మంది భక్తులు తిరుమలలో కనిపించడం లేదు
arjita seva tickets, devotees, online, tirumala
తిరుమలలో నేడు భక్తుల రద్దీ సాధారణంగానే ఉంది. ఉగాది పండగ కావడంతో ఎక్కువ మంది భక్తులు తిరుమలలో కనిపించడం లేదు. స్థానికులే ఎక్కువగా నేడు శ్రీవారిని దర్శించుకునే అవకాశాలు ఉన్నాయి. ముందుగా బుక్ చేసుకున్న భక్తులు మాత్రమే తిరుమల చేరుకుని స్వామి వారిని దర్శంచుకుంటున్నారని తిరుమల తిరుపతి దేవస్థానం అధికారులు వెల్లడించారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శనం గంట సమయంలోనే పూర్తవుతుంది.
ఐదు కంపార్ట్‌మెంట్లలో...
నిన్న తిరుమల శ్రీవారిని 61,920 మంది భక్తులు మాత్రమే దర్శించుకున్నారు. వీరిలో 17,638 మంది భక్తులు తలనీలాలను సమర్పించుకుని తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.55 కోట్ల రూపాయలు వచ్చిందని తిరుమల తిరుపతి దేవస్థానం అధికారులు వెల్లడించారు. ఈరోజు తిరుమలలోని వైకుంఠం క్యూ కాంప్లెక్స్ లోని ఐదు కంపార్ట్‌మెంట్లలో భక్తులు వేచి ఉన్నారు. సర్వదర్శనం క్యూ లైన్ లో ఉన్న భక్తులకు ఎనిమిది గంటల సమయం పడుతుంది.