Tirumala : నేడు తిరుమలలో భక్తుల రద్దీ ఎలా ఉందంటే? నమ్మలేరు అంతే

తిరుమల అంటేనే కలియుగ వైకుంఠం గా భావిస్తారు. అక్కడకు వెళితే చాలు ఆ పవిత్ర ప్రాంగణంలో కొద్దిసేపు గడిపినా చాలు అని భక్తులు పరితపిస్తుంటారు. అదుకే దేశ విదేశాల నుంచి లక్షలాది మంది భక్తులు తిరుమలకు చేరుకుంటారు. ప్రతి రోజూ లక్షల సంఖ్యలో భక్తులు రావడం ఒక్క తిరుమలలోనే సాధ్యమవుతుంది. వారికి ఇబ్బందులు లేకుండా తిరుమల తిరుపతి దేవస్థానం అధికారులు అన్ని ఏర్పాట్లు చేస్తున్నారు. ఈరోజు తిరుమలలోని వైకుంఠం క్యూ కాంప్లెక్స్ లోని నాలుగు కంపార్ట్ మెంట్లలోనే భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి టోకెన్లు లేకుండా ఉదయం ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని అధికారులు తెలిపారు. టైమ్ స్లాట్ దర్శనం భక్తులకు రెండు గంటల సమయం పడుతుందని చెప్పారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 65,265 మంది భక్తులు దర్శించుకున్నారు. వీరిలో 21,383 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.27 కోట్ల రూపాయలు వచ్చిందని అధికారులు తెలిపారు.