Tirumala : నేడు తిరుమలలో శ్రీవారి దర్శనం ఎంత కష్టమో తెలిస్తే?

ముఖ్యంగా స్వామి వారి వాహనసేవలను చూసేందుకు మాడ వీధులన్నీ భక్తులతో కిక్కిరిసిపోయాయి. స్వామి వారిని దగ్గర నుంచి వీక్షించేందుకు మాడవీధుల్లోనే గడుపుతున్నారు. ఉదయం, సాయంత్రం వేళలో స్వామి వారు మాడ వీధుల్లో విహరించనున్నారు. ఈరోజు తిరుమల వైకుంఠం కాంప్లెక్స్‌లోని అన్ని కంపార్ట్‌మెంట్లలో భక్తులు నిండిపోయారు. భక్తుల క్యూ లైన్ బయట కృష్ణ తేజ గెస్ట్‌హౌస్ వరకూ విస్తరించింది. ఉచిత దర్శనం క్యూ లైన్ లోని భక్తులకు శ్రీవారి దర్శనం ఇరవై నాలుగు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. వీరికి శ్రీవారి సేవకులు అన్న ప్రసాదాలను, మంచినీటిని అందచేస్తున్నారు. నిన్న తిరుమల శ్రీవారిని 88,859 మంది భక్తులు దర్శించుకున్నారు. వీరిలో 37,178 మంది భక్తులు తలనీలాలను సమర్పించారు. నిన్న తిరుమల శ్రీవారి హుండీ ఆదాయం 3.63 కోట్ల రూపాయల ఆదాయం వచ్చిందని అధికారులు వెల్లడించారు. రేపు రద్దీ మరింత అవకాశం ఉండటంతో నేటి నుంచే ద్విచక్ర వాహనాలను కొండపైకి నిషేధించారు.