ఫోర్బ్స్ యువసాధకుల జాబితాలో ద్రాక్షారామం యువకుడికి చోటు

ఫోర్బ్స్ యువ సాధకుల జాబితాలో డాక్టర్ బీఆర్ అంబేద్కర్ కోనసీమ జిల్లా ద్రాక్షారామానికి చెందిన కాకిలేటి శివతేజ చోటు దక్కించుకున్నారు. ప్రస్తుతం శివతేజ బెంగళూరులో రొమ్ముకేన్సర్ ను గుర్తించే ప్రాజెక్టుపై పనిచేస్తున్నారు. ఇప్పటి వరకు 25కు పైగా అంతర్జాతీయ ప్రచురణలు, రెండు పుస్తక అధ్యాయాలకు శివతేజ సహరచన చేశారు. అలాగే 23 అంతర్జాతీయ పేటెంట్లను సొంతం చేసుకున్నారు. ఆయన పరిశోధనలను గుర్తించిన ఫోర్బ్స్ పత్రిక తాజాగా ప్రచురించిన యువసాధకుల టాప్ 30 జాబితాలో శివతేజకు చోటిచ్చింది.