ఘాట్ రోడ్ లోకి భారీగా ఏనుగుల గుంపు

తిరుమలకి వెళ్లి శ్రీవారి దర్శనం తరువాత తిరిగి వచ్చే సమయంలో ఏనుగులు రోడ్డు పైకి రావడంతో భక్తుల వాహనాలు నిలిపేశారు. తిరుమల నుంచి తిరుపతి కి వెళ్లడానికి తీవ్రంగా అంతరాయం ఏర్పడింది. ఏనుగులకు దూరంగా చీకట్లో వాహనాలు ఆపేసి అవి వెళ్లేంత వరకూ వేచిఉన్నారు. టీటీడీ ఫారెస్ట్ అధికారులు సిబ్బంది, టీటీడీ విజిలెన్స్ సిబ్బంది చివరకు ఏనుగుల గుంపును అటవీ ప్రాంతంలోకి పంపించడంతో భక్తులు ఊపిరిపీల్చుకున్నారు.