నారాయణకు బెయిల్ మంజూరు

నారాయణపై పోలీసుల అభియోగాన్ని మెజిస్ట్రేట్ తోసిపుచ్చారు. 2014లోనే నారాయణ విద్యాసంస్థల ఛైర్మన్‌ పదవికి నారాయణ రాజీనామా చేసినట్లు ఆయన తరపున న్యాయవాదులు న్యాయమూర్తికి ఆధారాలు చూపించారు. ఆ వాదనలతో ఏకీభవించిన న్యాయమూర్తి.. రూ. లక్ష చొప్పున ఇద్దరు వ్యక్తులు జామీను ఇవ్వాలని న్యాయమూర్తి పేర్కొన్నారు. నారాయణ విద్యాసంస్థలతో నారాయణకు సంబంధం లేదని, దానికి సంబంధించిన డాక్యుమెంట్లను న్యాయమూర్తికి అందజేసినట్లు నారాయణ తరపు న్యాయవాది తెలిపారు. నారాయణపై మోపిన ఆరోపణలను రుజువు చేయడంలో పోలీసులు విఫలమయ్యారని, ఆ ఆరోపణల్లో నిజంలేదని నమ్మిన జడ్జి బెయిల్ మంజూరు చేసినట్లు తెలిపారు. ఈ నెల 18లోగా రూ. లక్ష చొప్పున ఇద్దరి పూచీకత్తు ఇవ్వాలని న్యాయమూర్తి ఆదేశించారని వెల్లడించారు.