లోకేష్‌.. దమ్ముంటే డేట్, టైమ్,ప్లేస్ చెప్పు : వెలంపల్లి స‌వాల్‌

జగనన్నకు విజయవాడ మొత్తం తోడుగా ఉంటుందని మాజీ మంత్రి వెలంపల్లి శ్రీనివాసరావు అన్నారు. బుధ‌వారం బెజవాడ గడ్డ వైసీపీ అడ్డా వై నాట్ 175 నినాదంతో బైక్ ర్యాలీ చేప‌ట్టారు. లోకేష్ పాదయాత్ర నడిచిన మార్గంలో రథం సెంటర్ నుంచి బెంజ్ సర్కిల్ వరకూ ర్యాలీ నిర్వ‌హించారు. విజయవాడ వెస్ట్, సెంట్రల్, ఈస్ట్ నియోజకవర్గాల మీదుగా బైక్ ర్యాలీ సాగింది. ఈ సంద‌ర్భంగా ఆయ‌న మాట్లాడుతూ.. ఉమ్మడి కృష్ణాజిల్లా నుంచి లోకేష్ యాత్రకు కోట్లు ఖర్చు చేసి జనాన్ని తెచ్చారని ఆరోపించారు. లోకేష్ వచ్చి మా ర్యాలీ చూడు.. జగనన్న సైన్యం ఎలా ఉందో చూడు.. అని స‌వాల్ విసిరారు.

లోకేష్ నీకు దమ్ముంటే పశ్చిమలో పోటీచేయమని సవాల్ చేశాను. పారిపోయి... గన్నవరంలో కూర్చుని నోటికొచ్చినట్లు మాట్లాడుతున్నావ్ అని ఎద్దేవా చేశారు. అభివృద్ధిపై లోకేష్ విసిరిన సవాల్ కు నేను సిద్ధం అన్నారు. లోకేష్ నీకు దమ్ము, ధైర్యం ఉంటే చర్చకు రా.. దమ్ముంటే డేట్, టైమ్,ప్లేస్ చెప్పు అని మ‌రోమారు స‌వాల్ విసిరారు. మంత్రిగా ఉన్నప్పుడు ఏమీ పీకలేనోడివి.. ఇప్పుడేం పీకుతావ్ లోకేష్ అని ధ్వ‌జ‌మెత్తారు. ఒక్కసారి మా ర్యాలీకి వచ్చి చూడు.. ఈ ప్రవాహంలో కొట్టుకుపోతావ్ అని ఎద్దేవా చేశారు.