Nallari Kiran Kumar Reddy : ఈయనేందయ్యా ..బాబూ.... జిల్లాలను కలిపేస్తానంటున్నాడు... అందుకేగా?

ముఖ్యమంత్రి సంగతి పక్కన పెట్టు.. కనీసం పార్లమెంటు సభ్యుడిగా కూడా ప్రజలు ఎన్నుకోలేదుగా అన్న వ్యాఖ్యలు కనపడుతున్నాయి. నల్లారి కిరణ్ కుమార్ రెడ్డి మొన్నటి ఎన్నికల్లో కూటమి తరుపున రాజంపేట పార్లమెంటు సభ్యుడిగా పోటీ చేసి ఓటమి పాలయ్యారు. ఆయన బీజేపీలో కొనసాగుతున్నారు. ఆయన ఉన్నట్లు కొత్త జిల్లాల ఏర్పాటుపై స్పందించడం చూస్తే తన ఓటమికి కారణం కొత్త జిల్లాల ఏర్పాటే కారణమని ఆయన భావిస్తున్నట్లుంది. జిల్లాలుగా విడిపోయిన తర్వాత జరిగిన ఎన్నికల్లో తాను ఓటమి పాలు కావడానికి ఇన్ని జిల్లాల ఏర్పాటు మరొక కారణమని ఆయన అనుకుంటున్నట్లుంది.

ఇలా నల్లారి కిరణ్ కుమార్ రెడ్డి ఈ కామెంట్స్ ఎందుకు చేశారో ఆయనకే తెలియాలి. నల్లారి ఫేడ్ అవుట్ అయిన నేత. మాజీ ముఖ్యమంత్రిగా ఆయన సీఎంగా ఉన్నప్పుడే రాష్ట్ర విభజన జరిగింది. దీంతో నల్లారి కిరణ్ కుమార్ రెడ్డిని ప్రజలు ఆదరించే పరిస్థిితి లేదు. ఆయన సోదరుడు నల్లారి కిషోర్ కుమార్ రెడ్డి టీడీపీలో చేరి ఎమ్మెల్యేగా విజయం సాధించారు. కానీ ఈయన మాత్రం బీజేపీలో చేరి కూటమి తరుపున పోటీ చేసినా రాజంపేట నుంచి పెద్దిరెడ్డి మిధున్ రెడ్డి చేతిలో ఓటమి పాలయ్యారు. ఆ షాక్ నుంచి నల్లారి కిరణ్ కుమార్ రెడ్డి ఇంకా తేరుకోలేకపోతున్నారని అనుకోవాల్సి ఉంటుంది. ఎందుకంటే కొత్త జిల్లాల వల్ల ప్రజలకు కలిగే నష్టం ఏంటి? ఈయనకు వ్యక్తిగత నష్టమేనని ఎద్దేవా చేస్తున్నారు.

తాను సీఎం అయితే విడగొట్టిన జిల్లాలను కలిపి ఉండేవాడినన్న నల్లారి కిరణ్ కుమార్ రెడ్డి వ్యాఖ్యలు కసితో చేసినవే అంటున్నారు. అంత సీన్ లేదు బాసూ అంటూ సెటైర్లు వేస్తున్నారు. నల్లారి ఎంత గింజుకున్నా ఆయనకు తిరిగి పూర్వ వైభవం తిరిగి వచ్చేది కష్టమేనంటున్నారు. ఎందుకంటే జనానికి దూరంగా ఉండే నల్లారి కిరణ్ కుమార్ రెడ్డి ఎన్నికల సమయంలో మాత్రమే కనిపించి తనను గెలిపించాలని కోరడం కూడా ఆయనను ప్రజలు ఆదరించకపోవడానికి కారణంగా చెబుతున్నారు. నల్లారి కిరణ్ కుమార్ రెడ్డి మతి భ్రమించి వ్యాఖ్యలు చేస్తున్నారని వైసీపీ నేతలు పెద్దయెత్తున సోషల్ మీడియాలో కామెంట్స్ పోస్టు చేస్తున్నారు. మొత్తం నల్లారి ఏం మాట్లాడుతున్నారు? ఎందుకు అన్నది మాత్రం ఆయనకే తెలియాల్సి ఉంది.