Drone Summit : డ్రోన్ సమ్మిట్ సక్సెస్.. ఐదు గిన్నిస్ రికార్డులు
విజయవాడలో నిన్న రాత్రి జరిగిన డ్రోన్ సమ్మిట్ ను చూసి అతిథులే ఆశ్చర్యపోయారు
andhra pradesh drone summit
విజయవాడలో నిన్న రాత్రి జరిగిన డ్రోన్ సమ్మిట్ ను చూసి అతిథులే ఆశ్చర్యపోయారు. 5,500 డ్రోన్లు చేసిన విన్యాసాలను చూసిన వారు అచ్చెరవు చెందారు. దీంతో పాటు ఐదు గిన్నీస్ రికార్డులను ఈ ప్రదర్శన సొంతం చేసుకుంది. డ్రోన్లతో అతిపెద్ద ప్లానెట్ ఫార్మేషన్, అతి పెద్ద ల్యాండ్ మార్క్, అతి పెద్ద విమానం రూపకల్పన, అతి పెద్ద భారత జెండా, అతి పెద్ద ఏరియల్ లోగో ఫార్మేషన్ భాగాల్లో గిన్నిస్ రికార్డులు లభించాయి. ఈ ప్రదర్శనకు ముఖ్యమంత్రి చంద్రబాబు నాయుడు, కేంద్రమంత్రి రామ్మోహన్ నాయుడు పున్నమి ఘాట్ కు వచ్చారు.
ఇన్వెస్టర్లు, ఇన్వెంటర్లు...
అమరావతిలో చేసిన ఈ డ్రోన్ సమ్మిట్ తన ప్రతిభను ప్రదర్శించింది. అనేక మంది డ్రోన్ కంపెనీలకు చెందిన ఇన్వెస్టర్లు, ఇన్వెంటర్లు ఈ ప్రదర్శనలో పాల్గొన్నారు. గిన్నిస్ రికార్డులను ముఖ్యమంత్రి, కేంద్ర మంత్రి తీసుకున్నారు. భవిష్యత్ అంతా డ్రోన్లదే అంటూ ముఖ్యమంత్రి చంద్రబాబు చేసిన కామెంట్స్‌తో ఉత్సాహంగా ఈ ప్రదర్శన నిర్వహించారు. వేలాది మంది వచ్చి ఈ డ్రోన్ల విన్యాసాలను చూశారు. ఆకాశంలో దూసుకుపోయి తమ కళ్లముందే వివిధ చిత్రాలను ఆవిష్కరించడం చూసి ఆశ్చర్యపోయారు. మారనున్న సాంకేతిక పరిజ్ఞానాకి దీనిని ముందడుగా భావిస్తున్నారు.