Chandrababu : నేడు చంద్రబాబు బెయిల్ రద్దు పిటీషన్ విచారణ

తెలుగుదేశం పార్టీ అధినేత చంద్రబాబు బెయిల్ రద్దు పిటీషన్ పై నేడు సుప్రీంకోర్టులో విచారణ జరగనుంది. స్కిల్ డెవలెప్‌మెంట్ స్కాం కేసులో చంద్రబాబుకు హైకోర్టు ఇచ్చిన బెయిల్‌ను రద్దు చేయాలంటూ ఏపీ ప్రభుత్వం దాఖలు చేసిన పిటీషన్ పై నేడు జస్టిస్ బేలా త్రివేది, జస్టిస్ పంకజ్ మిట్టల్ ధర్మాసనం విచారించనుంది. చంద్రబాబు బెయిల్ పై బయటకు వచ్చిన తర్వాత ఈ కేసులో అధికారులను బెదిరిస్తున్నారని కూడా ప్రభుత్వం పిటీషన్ లో పేర్కొంది. హైకోర్టు ఇచ్చిన బెయిల్ ను సవాల్ చేస్తూ పిటీషన్ దాఖలు చేశారు.