Attack On Ys Jagan : దుర్గారావు రాయి గురి జగన్ కు కాదా? పోలీసుల విచారణలో మరో కోణం?

ఈ విషయాలను పోలీసులు రిమాండ్ రిపోర్టులో కూడా పేర్కొన్నారు. సతీష్ చేత రాయి దాడి చేయించింది దుర్గారావు అని విచారణలో వెల్లడయింది. ఇందుకు కొంత మొత్తాన్ని కూడా చెల్లిస్తానని చెప్పడంతో సతీష్ రాయి విసిరినట్లు విచారణలో స్పష‌్టం చేసినట్లు తెలిసింది. అందుకే రెండుసార్లు రాయి దాడి చేశానని సతీష్ చెబుతున్నాడు. మొదట డాబా కొట్టు సెంటర్ లో రాయి దాడి చేసినా అది తగలకుండా పోవడంతో తర్వాత వివేకానంద స్కూలు వద్ద రాయి విసిరానని సతీష్ విచారణలో వెల్లడించాడు. కానీ ఆ తర్వాత దుర్గారావుకు ఫోన్ చేస్తే మొదటి సారి స్పందించలేదని, రెండోసారి ఫోన్ స్విచ్ ఆఫ్ చేసుకున్నాడని సతీష్ విచారణలో వెల్లడించారని పోలీసులు తెలిపారు.

ిఇప్పటి వరకూ జగన్ టార్గెట్ గానే ఈ దాడి జరిగిందని భావించినా ఇందులో మరో కోణం కూడా ఉందని పోలీసు వర్గాలు చెబుతున్నాయి. అసలు టార్గెట్ జగన్ కాదని.. వెల్లంపల్లి శ్రీనివాస్ అని అంటున్నారు. వెల్లంపల్లి శ్రీనివాస్ కు తగిటేట్లు రాయి విసరాలని దుర్గారావు జగన్ తో చెప్పాడంటూ పోలీసుల విచారణలో స్పష్టమయిందంటున్నారు. అయితే అది గురి తప్పి జగన్ కు తగిలి ఆ తర్వాత వెల్లంపల్లి శ్రీనివాస్ కు కూడా తగిలందని భావిస్తున్నారు. ఈ కోణంలోనూ దుర్గారావును విచారిస్తున్నారు. ఈ కేసులో ఏ2 గా దుర్గారావును నేడు కోర్టులో ప్రవేశపెట్టే అవకాశముందని తెలిసింది. దుర్గారావు వెల్లంపల్లి శ్రీనివాస్ ను లక్ష్యంగా చేసుకుని మాత్రమే తాను రాయి విసరాలని సతీష్ తో చెప్పినట్లు విచారణలో అంగీకరించినట్లు తెలిసింది.