ఎమ్మెల్యే జ్యోతుల చంటిబాబు చెబుతోంది ఇదే!!

జగ్గంపేట వైసీపీ ఎమ్మెల్యే జ్యోతుల చంటిబాబు జనసేనలో చేరడానికి సిద్ధమయ్యారని ప్రచారం జరిగిన సంగతి తెలిసిందే. జగ్గంపేట నుంచి జ్యోతుల చంటిబాబుకు బదులుగా.. మాజీ మంత్రి తోట నరసింహంకు వైసీపీ ఈసారి టికెట్ ఇవ్వనున్నట్లుగా తెలుస్తోంది. గతంలో జ్యోతుల చంటిబాబు టీడీపీ నుంచి 2009, 2014 ఎన్నికల్లో బరిలోకి దిగి ఓటమిపాలయ్యారు. ఆ తర్వాత 2019లో పార్టీ మారి వైసీపీలో చేరారు. వైసీపీ టికెట్ మీద జగ్గంపేట నుంచి పోటీ చేసి గెలిచారు. ఈసారి వైసీపీ నుంచి టికెట్ దక్కే అవకాశం లేకపోవడంతో మరోసారి టీడీపీకి వెళతారనే ప్రచారం సాగుతోంది. టీడీపీ నుండి టికెట్ దక్కే విషయంలో క్లారిటీ లేకపోవడంతో ఈసారి కూడా ఎన్నికల్లో పోటీ చేయాలని గట్టి పట్టుదలతో ఉన్న జ్యోతుల చంటిబాబు జనసేనలో చేరడానికి మంతనాలు సాగిస్తున్నారు. ఈ మేరకు జనసేన అధినేత పవన్ కళ్యాణ్ తో సమావేశమయ్యారు. జనసేన బిఎసి చైర్మన్ నాదెండ్ల మనోహర్, పార్టీ ప్రధాన కార్యదర్శి నాగబాబుల సమక్షంలో పవన్ కళ్యాణ్ తో రహస్యంగా సమావేశమై చర్చించినట్లుగా సమాచారం.