వాలంటీర్లను దండుపాళ్యం బ్యాచ్ తో పోల్చిన జనసేనాని

ఏపీలోని వాలంటీర్లపై జనసేన అధినేత పవన్​ కళ్యాణ్ మరోసారి తీవ్ర విమర్శలు గుప్పించారు. గొంతులు కోసే దండుపాళ్యం బ్యాచ్​కు, వాలంటీర్లకు తేడా ఏమీ లేదని పవన్​ కళ్యాణ్ వ్యాఖ్యలు చేశారు. వాలంటీర్ ఉద్యోగానికి పోలీసు వెరిఫికేషన్ చేయాలన్నారు. కొంతమంది వాలంటీర్ల నుంచి పిల్లలు, పెద్దవారిని జాగ్రత్తగా కాపాడుకోవాలని సూచించారు. చాలా చోట్ల వాలంటీర్లు ఆకృత్యాలకు పాల్పడుతున్నా సరైన చర్యలు తీసుకోవడం లేదని మండిపడ్డారు. ఆగస్టు 12 న ఆయన మీడియాతో మాట్లాడుతూ.. వాలంటీర్ల గురించి తాను ఊహించిందే జరిగిందని.. ఇళ్లల్లోకి చొరబడి ఒంటరి మహిళల గొంతులు కోస్తున్నారని ఆరోపించారు. నవరత్నాలు అమలు చేసేందుకు సీఎం జగన్​ నియమించిన ప్రైవేటు సైన్యంగా మారారని అన్నారు. విశాఖపట్నంలో ఇటీవల వాలంటీర్ చేతిలో హత్యకు గురైన వరలక్ష్మీ కుటుంబాన్ని పరామర్శించిన అనంతరం పవన్ కళ్యాణ్ ఈ వ్యాఖ్యలు చేశారు.