Janasena : నేడు జనసేన కార్యాలయంలో భేటీ

జనసేన పార్టీ ఎమ్మెల్యేలు నేడు సమావేశం కానున్నారు. మంగళగిరిలోని జనసేన పార్టీ ప్రధాన కార్యాలయంలో ఈ సమావేశం జరుగుతుంది. ఈ సమావేశంలో పార్టీ అధినేత పవన్ కల్యాణ్ ను శాసనసభ పక్ష నేతగా ఎన్నుకుంటారు. ఇటీవల జరిగిన ఎన్నికల్లో జనసేన 21 అసెంబ్లీ నియోజకవర్గాల్లో పోటీ చేసి అన్ని చోట్ల గెలుపొందిన సంగతి తెలిసిందే. రెండు పార్లమెంటు నియోజకవర్గాల్లోనూ విజయం సాధించింది. వంద శాతం స్ట్రైకింగ్ రేట్ తో జనసేన ఈ ఎన్నికల్లో టీడీపీ తర్వాత రెండో స్థానంలో నిలిచింది.