Amaravathi : రైతులకు గుడ్ న్యూస్.. రాజధాని నిర్మాణంపై నారాయణ కామెంట్స్

మాస్టర్ ప్లాన్ గతంలో రూపొందించినట్లుగానే ఉంటుందని అందులో ఎలాంటి మార్పు ఉండదని నారాయణ తెలిపారు. అన్నీ ఆలోచించి ఆనాడు మాస్టర్ ప్లాన్ రూపొందించామని, అందులో మార్పులు చేయాల్సిన పనిలేదని నారాయణ అభిప్రాయపడ్డారు. రైతులకు రావాల్సిన అన్ని ప్రయోజనాలను అందిస్తామని చెప్పారు. దీంతో పాటు రాజధాని రెండున్నరేళ్లలో నిర్మాణం పూర్తి చేసుకునేలా యాక్షన్ ప్లాన్ ను పదిహేను రోజుల్లోగా సిద్ధం చేస్తామని ఆయన తెలిపారు. రాజధాని నిర్మాణమే తమ ప్రభుత్వం తొలి ప్రాధాన్యత అని చెప్పారు.