బాబు అరెస్ట్: టీడీపీ ఎమ్మెల్యే 'నిమ్మల'కు గుండెపోటు

పాలకొల్లులో టీడీపీ ఎమ్మెల్యే నిమ్మల రామానాయుడు పార్టీ కార్యకర్తలతో కలిసి ఆందోళన చేపట్టారు. అయితే టీడీపీ శ్రేణులకు, పోలీసులకు మధ్య తోపులాట జరిగింది. ఈ క్రమంలో ఎమ్మెల్యే నిమ్మల కుప్పకూలిపోయారు. ఆయనకు గుండెపోటు వచ్చిందని టీడీపీ కార్యకర్తలు తెలిపారు. పాలకొల్లులో టీడీపీ ఎమ్మెల్యే నిమ్మల రామానాయుడు ఇంటివద్దకు చేరుకోవడంతో అక్కడ ఉద్రిక్తత ఏర్పడింది. ఈ సందర్భంగా జరిగిన తోపులాటలో ఎమ్మెల్యే నిమ్మల రామానాయుడు కిందపడిపోయారు. అస్వస్థతకు గురైన ఆయనను ఆసుపత్రికి తరలించేందుకు టీడీపీ కార్యకర్తలు ప్రయత్నించారు. అయితే పోలీసులు అందుకు ఒప్పుకోవడంలేదంటూ వారు మండిపడ్డారు. ఎమ్మెల్యేకి ఏదైనా జరిగితే అందుకు పోలీసులదే బాధ్యత అని హెచ్చరించారు.