Tirumala : తిరుమలలో ఒక్కసారిగా పెరిగిన రద్దీ.. ఎన్నికల ఎఫెక్టేనా?
తిరుమలలో భక్తుల రద్దీ పెరిగింది. బుధవారమయినా భక్తుల రద్దీ పెరిగింది.
arjita seva tickets, devotees, online, tirumala
తిరుమలలో భక్తుల రద్దీ పెరిగింది. బుధవారమయినా భక్తుల రద్దీ పెరిగింది. తెలుగు రాష్ట్రాల్లో ఎన్నికలు పూర్తికావడంతో ఎక్కువ మంది తిరుమలను దర్శించుకుంటున్నారని అధికారులు తెలిపారు. సాధారణంగా ఫలితాలు వచ్చే ముందు తిరుమలకు నేతలతో పాటు వారి అనుచరులు కూడా శ్రీవారిని దర్శించుకుని మొక్కులు చెల్లించుకుంటారు. అందులో భాగంగానే రద్దీ పెరిగిందంటున్నారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు గంటలకుపైగా సమయం పడుతుందని తిరుమల తిరుపతి దేవస్థానం అధికారులు తెలిపారు.
హుండీ ఆదాయం కూడా...
నిన్న తిరుమల శ్రీవారిని 75,783 మంది భక్తులు తిరుమల శ్రీవారిని దర్శించుకున్నారు. వీరిలో 35,665 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.08 కోట్ల రూపాయల ఆదాయం వచ్చిందని తిరుమల తిరుపతి దేవస్థానం అధికారులు వెల్లడించారు. ఈరోజు వైకుంఠం క్యూ కాంప్లెక్స్‌లోని 19 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్ లో ఉన్న భక్తులకు శ్రీవారి దర్శనం పన్నెండు గంటల సమయం పడుతుందని అధికారులు తెలిపారు.