కడప జిల్లా పర్యటనకు ఏపీ గవర్నర్
ఏపీ గవర్నర్ అబ్దుల్ నజీర్ ఈ నెల 27న కడప జిల్లాలో పర్యటించనున్నారని అధికారులు తెలిపారు
ఏపీ గవర్నర్ అబ్దుల్ నజీర్ ఈ నెల 27న ఒంటిమిట్టకు రానున్నట్లు అధికారులు తెలిపారు. ఈ మేరకు గవర్నర్ జిల్లా పర్యటన షెడ్యూల్ ఖరారైంది. ఈ నెల 27న ఉదయం 11.40కి కడప ఎయిర్ పోర్ట్ కు గవర్నర్ చేరుకుంటారు. మధ్యాహ్నం 12 గంటల నుంచి 12.30 వరకు కడప అమీన్ పీర్ దర్గాలో ప్రార్థనలు చేస్తారు.
ఒంటిమిట్ట కోదండరాముని...
మధ్యాహ్నం ఒంటి గంట నుంచి 1.45 గంటల వరకు ఒంటిమిట్ట కోదండరాముడిని గవర్నర్ అబ్దుల్ నజీర్ దర్శించుకుంటారు. మధ్యాహ్నం మూడు గంటలకు తిరుపతికి పయనం అవుతారు. గవర్నర్ పర్యటన నేపథ్యంలో అవసరమైన ఏర్పాట్లను అధికారులు చేస్తున్నారు. దర్గా, ఒంటిమిట్ట రామాలయం వద్ద భారీ బందోబస్తును ఏర్పాటు చేయనున్నారు.