బొప్పూడి సభకు ఏర్పాట్లు.. బ్లూబుక్ నిబంధనల మేరకు

రేపు సాయంత్రానికి సభ ప్రాంగణాన్ని తమకు అప్పగించాలని ప్రధాని భద్రతా సిబ్బంది కోరడంతో ఏర్పాట్లను మరింత ముమ్మరం చేశారు. మొత్తం 150 ఎకరాల్లో పది లక్షల మంది ఈ సభకు హాజరవుతారని అంచనా. ముగ్గురు నేతల కోసం మూడు హెలిప్యాడ్లను ఇప్పటికే సిద్ధం చేశారు. సభకు రాష్ట్రంలోని అన్ని జిల్లాల నుంచి కార్యకర్తలను సమీకరించేందుకు పార్టీ నేతలు సిద్ధమయ్యారు. టీడీపీ, జనసేన, బీజేపీ జరుపుతున్న తొలి సమావేశం కావడంతో ఎన్నికల వేళ రాజకీయంగా ప్రాధాన్యత సంతరించుకుంది.