తిరుమలలో దర్శన సమయం ఎంతంటే?

మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు మూడు నుంచి నాలుగు గంటల పాటు దర్శన సమయం పట్టే అవకాశముందని తిరుమల తిరుపతి దేవస్థానం అధకారులు తెలిపారు. నిన్న తిరుమల శ్రీవారిని 73,831 మంది భక్తులు దర్శించుకున్నారు. ఆదివారం కావడంతో భక్తుల రద్దీ పెరిగిందని అధికారులు చెబుతున్నారు. మరోవైపు 34,443 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 5.02 కోట్ల రూపాయలు వచ్చిందని అధికారులు వెల్లడించారు.