Tirumala : తిరుమలలో కొనసాగుతున్న రద్దీ.. 31 కంపార్ట్‌మెంట్లలో

భక్త జనంతో కిటకిటలాడిపోతుంది. తిరుమలలో శ్రీవారి బ్రహ్మోత్సవాలు నేడు ఏడో రోజుకు చేరుకున్నాయి. ఈరోజు ఉదయం సూర్య ప్రభవాహనంపై మలయప్ప స్వామి భక్తులకు దర్శనమిచ్చాు.రాత్రి ఏడు గంటలకు చంద్రప్రభ వాహనంపై శ్రీదేవి భూదేవి సమేతుడై దర్శనమివ్వనున్నారు. ఈరోజు తిరుమలలోని 31 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనానికి భక్తులకు ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 79,753 మంది భక్తులు దర్శించుకున్నారు. వీరిలో 29,623 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.48 కోట్ల రూపాయలు వచ్చిందని అధికారులు వెల్లడించారు. దసరా పండగ కావడంతో పాటు ఇతర రాష్ట్రాల ప్రజలు కూడా తిరుమలకు చేరుకుని స్వామి వారిని దర్శించుకుంటున్నారు.