Tirumala : నేడు తిరుమలలో భక్తుల రద్దీ ఎలా ఉందంటే?

తిరుమలలో భక్తుల రద్దీ కొనసాగుతూనే ఉంది. బ్రహ్మోత్సవాలు కావడంతో భక్తులు అధిక సంఖ్యలో తిరుమలకు వచ్చారు. నిన్న గరుడ వాహన సేవను చూసేందుకు వచ్చిన భక్తులు నేడు స్వామి వారిని దర్శించుకునేందుకు క్యూ లైన్‌లలో ఉన్నారు. దీంతో కంపార్ట్‌మెంట్లన్నీ భక్తులతో నిండిపోయాయి. బ్రహ్మోత్సవాల సమయంలో తిరుమలలో భక్తుల రద్దీ అధికంగానే ఉంటుందని తిరుమల తిరుపతి దేవస్థానం అధికారులు ముందుగానే అంచనా వేశారు అందుకు తగిన ఏర్పాట్లు చేశారు. భక్తులు ఇబ్బంది పడకుండా తగిన చర్యలు తీసుకున్నారు. నిన్న గరుడ వాహనం సేవకు దాదాపు మూడున్నర లక్షల మంది భక్తులు వచ్చి ఉంటారని అంచనా వేశారు. అయినా ఎలాంటి ఇబ్బందులు లేకుండా గరుడ సేవను పూర్తి చేయగలిగారు. బ్రహ్మోత్సవాలకు ప్రత్యేకమైన ఏర్పాట్లు చేయడం పట్ల భక్తులు కూడా టీటీడీ అధికార యంత్రాంగాన్ని ప్రశంసిస్తున్నారు. లడ్డూల కౌంటర్ల వద్ద కూడా రద్దీ ఎక్కువగా కనిపిస్తుంది. అన్నదానం సత్రం వద్ద కూడా అధిక సంఖ్యలో భక్లులు వచ్చారు.