తిరుమలలో భక్తుల రద్దీ?
తిరుమలలో భక్తుల రద్దీ కొనసాగుతుంది. పది కంపార్ట్‌మెంట్లలో భక్తులు స్వామి వారి దర్శనం కోసం వేచి ఉన్నారు
TTD
తిరుమలలో భక్తుల రద్దీ కొనసాగుతుంది. వైకుంఠం క్యూ కాంప్లెక్స్ లోని పది కంపార్ట్‌మెంట్లలో భక్తులు స్వామి వారి దర్శనం కోసం వేచి ఉన్నారు. వీరికి దర్శన సమయం ఐదు గంటల సమయం పడుతుందని తెలిపారు. అలాగే సర్వదర్శనం టోకెన్లు లేని భక్తులకు పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు. మూడు వందల రూపాయల ప్రత్యేక దర్వనం టిక్కెట్లు కొనుగోలు చేసిన భక్తులకు రెండు నుంచి మూడు గంటల సమయం పడుతుంది.
హుండీ ఆదాయం...
నిన్న తిరుమల శ్రీవారిని 70,413 మంది భక్తులు దర్శించుకున్నారు. వీరిలో 32,206 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 3.37 కోట్ల రూపాయల ఆదాయం వచ్చిందని తిరుమల తిరుపతి దేవస్థానం అధికారులు తెలిపారు.
అంగప్రదిక్షిణ టోకెన్లు...
నేడు తిరుమల శ్రీవారి అంగప్రదిక్షిణ టోకెన్లను తిరుమల తిరుపతి దేవస్థానం విడుదల చేయనుంది. ఫిబ్రవరి కోటా కింద ఈ టిక్కెట్లను మధ్యాహ్నం మూడుగంటల నుంచి ఆన్ లైన్ లో ఉంటాయని అధికారులు వెల్లడించారు. అంగప్రదిక్షిణ టిక్కెట్లను కావాలనుకునే భక్తులు ఆన్‌లైన్ ద్వారా పొందవచ్చు.