భక్తుల రద్దీతో తిరుమల కిటకిట
తిరుమలలో భక్తుల రద్దీ కొనసాగుతుంది. శుక్రవారం సయితం భక్తులతో తిరుమల కిటకిటలాడుతుంది.
తిరుమలలో భక్తుల రద్దీ కొనసాగుతుంది. శుక్రవారం సయితం భక్తులతో తిరుమల కిటకిటలాడుతుంది. వైకుంఠం క్యూ కాంప్లెక్స్ లోని 16 కంపార్ట్‌మెంట్లలో భక్తులు శ్రీవారి దర్శనం కోసం వేచి చూస్తున్నారని తిరుమల తిరుపతి దేవస్థానం అధికారులు తెలిపారు. వీరు స్వామి వారి దర్శనం చేసుకునేందుకు 24 గంటల సమయం పడుతుందని తెలిపారు. సర్వదర్శనం క్యూ లైన్ లోకి ఇప్పుడు ప్రవేశించే భక్తులకు ముప్ఫయి గంటల సమయం పట్టే అవకాశముందని తెలిపారు.
ప్రత్యేక దర్శనం....
మూడు వందల ప్రత్యేక దర్శనం టిక్కెట్లు కొనుగోలు చేసిన వారికి మూడు నుంచి నాలుగు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 65,568 మంది భక్తులు శ్రీవారిని దర్శించుకున్నారు. వారిలో 25,144 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న శ్రీవారి హుండీ ఆదాయం 4.26 కోట్ల రూపాయలు వచ్చిందని అధికారులు తెలిపారు.