Tirumala : తిరుమలలో రద్దీ ఈరోజు ఎలా ఉందంటే?

తిరుమలలో భక్తుల రద్దీ కొనసాగుతుంది. గురువారమయినా భక్తుల రద్దీ ఏమాత్రం తగ్గలేదు. నూతన సంవత్సరం తొలి వారం కావడంతో ఎక్కువ మంది భక్తులు తిరుమలను దర్శించుకుని ఏడుకొండల వాడి చెంత తమ మొక్కులు తీర్చుకుంటే శుభప్రదమని భావిస్తున్నారు. అందుకే నిన్నటి నుంచే భక్తుల తాకిడి తిరుమలలో ఎక్కువగా ఉంది. అందుకు తగినట్లుగా ఆలయ అధికారులు ఏర్పాట్లు చేస్తున్నారు. వీఐపీల నుంచి సామాన్యుల వరకూ తిరుమలకు చేరుకుని వైకుంఠ వాసుడి చెంత మోకరిల్లుతున్నారు. దీంతో తిరుమల వీధులన్నీభక్తులతో కిటకిటలాడిపోతున్నాయి. మాడ వీధులన్నీ కళకళలాడుతున్నాయి. ఎక్కడ చూసినా భక్తులే కనపడుతున్నారు. జనవరి నెల మొదటి వారం కావడంతో పాటు సెలవులు లేకపోయినా సరే శ్రీవారిని సందర్శించుకునేందుకు ఎక్కువ మంది తిరుమలకు చేరుకుంటున్నారు. దీంతో తిరుమల తిరుపతి దేవస్థానం అధికారులు అందుకు తగిన ఏర్పాట్లు చేస్తున్నారు. భక్తులకు రెండు గంటల్లోగా దర్శనం అయ్యేలా చర్యలు తీసుకుంటున్నట్లు చెబుతున్నారు. క్యూ లైన్ పెద్దగా వేచి ఉండకుండానే సులువుగా దర్శనం చేసుకునేందుకు అవసరమైన ఏర్పాట్లను తాము చేస్తున్నామని, భక్తులు కూడా అందుకు సహకరించాలని కోరుతున్నారు.

ఇప్పుడు Desh Telugu Keyboard యాప్ సహాయంతో మీ ప్రియమైన వారికి తెలుగులో సులభంగా మెసేజ్ చెయ్యండి. Desh Telugu Keyboard and Download The App Now