శనివారం.. భక్తులు రద్దీ అంతగా లేదు.. రీజన్?
తిరుమలలో భక్తుల రద్దీ సాధారణంగా కొనసాగుతుంది. శనివారం అయినా భక్తుల రద్దీ అంతగా లేదు
తిరుమలలో భక్తుల రద్దీ సాధారణంగా కొనసాగుతుంది. శనివారం అయినా భక్తుల రద్దీ అంతగా లేదు. వైకుఠం క్యూ కాంప్లెక్స్ లోని ఒక కంపార్ట్‌మెంట్ లో భక్తులు స్వామి వారి దర్శనం కోసం వేచి ఉన్నారు. శనివారం కావడంతో పెద్ద సంఖ్యలో భక్తులు వస్తారని భావించినా ఆశించిన సంఖ్యలో రాలేదు. సర్వదర్శనం భక్తులకు స్వామి వారి దర్శనానికి 14 గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. ఇప్పుడు క్యూ లైన్ లో ప్రవేశించే వారికి అదనంగా మరికొద్ది గంటల సమయం పడుతుందని అధికారులు వెల్లడించారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శనం రెండు నుంచి మూడు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. సర్వదర్శనం టోకెన్ పొందిన భక్తులు వారికి కేటాయించిన సమయం ప్రకారం నాలుగు గంటల నుంచి ఐదు గంటల సమయం పడుతుంది.
హుండీ ఆదాయం...
నిన్న తిరుమల శ్రీవారిని 48,928 మంది భక్తులు స్వామి వారిని దర్శించుకున్నారు. వారిలో 23,322 మంది భక్తులు తలనీలాలను సమర్పించుకుని తమ మొక్కులు తీర్చుకున్నారని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారి హుండీ ఆదాయం 3.61 కోట్ల రూపాయలు వచ్చిందని అధికారులు వెల్లడించారు.