తిరుమలలో తగ్గిన భక్తుల రద్దీ
తిరుమలలో భక్తుల రద్దీ గతంతో పోలిస్తే తగ్గింది. శని, ఆదివారాల్లో కూడా భక్తుల రాక తగ్గడం విశేషం
తిరుమలలో భక్తుల రద్దీ గతంతో పోలిస్తే తగ్గింది. శని, ఆదివారాల్లో కూడా భక్తుల రాక తగ్గడం విశేషం. ఆదివారం వైకుంఠం క్యూ కాంప్లెక్స్ లోని తొమ్మిది కంపార్ట్‌మెంట్లలోనే భక్తులు శ్రీవారి దర్శనం కోసం వేచి ఉన్నారు. వీరికి స్వామి వారి దర్శనం 16 గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. సర్వదర్శనం క్యూ లైన్ లోకి ఇప్పుడు ప్రవేశించే వారికి అదనంగా మరో నాలుగు గంటల సమయం పట్టే అవకాశముందని చెప్పారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారిని 64,107 మంది భక్తులు దర్శించుకున్నారు. వారిలో 30,482 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 3.79 కోట్ల రూపాయలు వచ్చిందని అధికారులు వెల్లడించారు.