ఒక్కసారిగా పెరిగిన రద్డీ
తిరుమలలో భక్తుల రద్దీ ఒక్కసారిగా పెరిగింది. శనివారం కావడంతో తిరుమల భక్తులతో కిక్కిరిసిపోయింది.
తిరుమలలో భక్తుల రద్దీ ఒక్కసారిగా పెరిగింది. శనివారం కావడంతో తిరుమల భక్తులతో కిక్కిరిసిపోయింది. వైకుంఠం క్యూ కాంప్లెక్స్ లోని 15 కంపార్ట్‌మెంట్లన్నీ భక్తులతో నిండిపోయాయి. సర్వదర్శనం క్యూ లైన్ లో భక్తులకు స్వామి వారి దర్శనం ఐదు గంటల సమయం పడుతుంది. సర్వదర్శనం టోకెన్లు లేని భక్తులకు ఇప్పటికిప్పుడు క్యూ లైన్ లో ప్రవేశిస్తే శ్రీవారి దర్శనం 24 గంటల సమయం పడుతుందని తిరుమల తిరుపతి దేవస్థానం అధికారులు తెలిపారు.
24 గంటలు దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శనం రెండు నుంచి నాలుగు గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారిని 57,702 మంది భక్తులు స్వామి వారిని దర్శించుకున్నారు. వీరిలో 27,482 మంది భక్తులు స్వామి వారికి తలనీలాలను సమర్పించి తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం3.43 కోట్ల రూపాయలు వచ్చిందని ఆలయ అధికారులు వెల్లడించారు.