Tirumala : ఈ ఏడాది చివరి వారంలో తిరుమలకు భక్తుల తాకిడి.. నేడు దర్శన సమయం?

తిరుమలలో భక్తుల రద్దీ మళ్లీ పెరిగింది. ఆదివారం కావడంతో భక్తుల రద్దీ ఎక్కువగా ఉంది. శనివారం కొద్దిగా తక్కువగా కనిపించినా సాయంత్రానికి భక్తుల సంఖ్య పెరిగింది. అలాగే దర్శనం చేసుకున్న భక్తుల సంఖ్య కూడా పెరిగింది. హుండీ ఆదాయం కూడా పెరగడంతో అధికారులు ఆనందం వ్యక్తం చేస్తున్నారు. తిరుమలకు శనివారం కొంత భక్తుల తాకిడి తగ్గడంతో ఆదివారం కూడా భక్తుల రద్దీ అంతంత మాత్రంగానే ఉంటుందన్న అధికారుల అంచనా తలకిందులయింది. శనివారం సాయంత్రానికే భక్తులు తిరుమలకు అధిక సంఖ్యలో చేరుకోవడంతో వీధులన్నీ భక్తజన సంద్రంగా మారిపోయాయి. అదే సమయంలో మాడ వీధులన్నీ గోవింద నామ సర్మణలతో మారు మోగిపోతున్నాయి. తిరుమల శ్రీ వెంకటేశ్వరస్వామిని ఈ ఏడాది చివరి వారం దర్శించుకునేందుకు భక్తులు అధిక సంఖ్యలో వస్తున్నారని తిరుమల తిరుపతి దేవస్థానం అధికారులు తెలిపారు. ప్రతి ఏటా డిసెంబరు నెలలో తిరుమలకు భక్తుల సంఖ్య అధికంగా ఉంటుందని, విదేశీ భక్తుల సంఖ్య కూడా అధికంగానే కనిపిస్తుంది. ఇక మండల పూజ కోసం శబరిమల వెళ్లిన అయ్యప్ప స్వాములు కూడా తిరుగు ప్రయాణంలో స్వామి వారిని దర్శించుకుంటున్నారు. అదే సమయంలో తమిళనాడు నుంచి కూడా భక్తులసంఖ్య అధికంగా రావడం మొదలు కావడంతోనే తిరుమల క్యూ లైన్లన్నీ కిటకిటలాడిపోతున్నాయి.

ఇప్పుడు Desh Telugu Keyboard యాప్ సహాయంతో మీ ప్రియమైన వారికి తెలుగులో సులభంగా మెసేజ్ చెయ్యండి. Desh Telugu Keyboard and Download The App Now