పాముతో పిల్లి చెలగాటం.. వీడియో వైరల్‌

కొన్ని జంతువులకు పాము అంటే అస్సలు పడదు. పామును చూడగానే యుద్ధానికి సిద్దం అన్నట్లుగా తయారవుతాయి. అయితే కొన్ని కొన్ని దృశ్యాలను మనం సోషల్‌ మీడియాలో తరచూగా చూస్తుంటాము. ముఖ్యంగా పాము-ముంగీస, పులులు, మోసళ్లు ఇలా రకరకాల దృశ్యాలను చూస్తుంటాము. ముఖ్యంగా పాము, ముంగీస రెండు కూడా ఎదురు పడ్డాయంటే ఇక పెద్ద యుద్దమే. అయితే పిల్లికి కూడా పాము కనిపిస్తే తెగ కోపమోస్తుంది. తాజాగా పాము-పిల్లి మధ్య జరిగే పోరాట దృశ్యం ఇప్పుడు సోషల్‌ మీడియాలో వైరల్‌ అవుతోంది.

అనంతపురం పట్టణంలో ఆర్ అండ్ బీ గెస్ట్ హౌస్ ఎదురుగా పాము, పిల్లి మధ్య భీకర పోరే జరిగింది. ఈ దృశ్యాన్ని కొందరు వారి సెల్‌ఫోన్‌లో బంధించి సోషల్‌ మీడియాలో పోస్టు చేశారు. అప్పటి నుంచి ఈ వీడియో తెగ వైరల్‌ అవుతోంది. రోడ్డు వెంట వెళ్తున్న వాహనదారులు పాము, పిల్లి ఫైటింగ్ దృశ్యాలను సెల్ ఫోన్లు రికార్డు చేసి సోషల్ మీడియాలో తెగ వైరల్ చేశారు. వీటిపై నెటిజన్లు రకరకాల కామెంట్లు చేస్తున్నారు.