రాజమండ్రి సెంట్రల్ జైలులో రిమాండ్ ఖైదీ మృతి.. అసలు నిజాలు ఇవి

ఇదే జైలులో టీడీపీ అధినేత చంద్రబాబు నాయుడు రిమాండ్ ఖైదీగా ఉన్నారు. ఆయన ఆరోగ్యంపై టీడీపీ నేతలు ఆందోళన వ్యక్తం చేస్తున్నారు. టీడీపీ ఏపీ అధ్యక్షుడు అచ్చెన్నాయుడు మాట్లాడుతూ.. రాజమండ్రి సెంట్రల్ జైల్లో ఓ ఖైదీ డెంగ్యూ వ్యాధితో చనిపోయాడని.. ఇందుకు సంబంధించి చంద్రబాబు నాయుడు భద్రత, ఆరోగ్యంపై మాకూ ఆందోళన నెలకొందన్నారు. చంద్రబాబు ఆరోగ్యం, భద్రతకు అవసరమైన తగు చర్యలు తీసుకోవాలని డిమాండ్‌ చేశారు అచ్చెన్నాయుడు. తెలుగుదేశం పార్టీ జాతీయ ప్రధాన కార్యదర్శి నారా లోకేష్ జైలులోనే చంద్రబాబును చంపే కుట్ర జరుగుతుందని ఆరోపించారు. చంద్రబాబుకు ఏం జరిగినా జగన్ దే బాధ్యత అని లోకేష్ అన్నారు. ఆధారాలు లేని కేసులో బెయిల్ రాకుండా జెల్ లోనే చంపేందుకు పెద్ద ప్లాన్ వేశారంటూ లోకేష్ ఆరోపించారు. జైలులో దోమలు కుడుతున్నా అధికారులు పట్టించుకోవడం లేదని లోకేష్ ఆరోపించారు. అదే జైలులో రిమాండ్ ఖైదీ డెంగ్యూ వాధితో మరణించారని గుర్తు చేశారు. చంద్రబాబును కూడా ఇలాగే చంపేయాలని జగన్ కుతంత్రాలు చేస్తున్నాడని ఆరోపించారు.