జంగారెడ్డిగూడెంకు బయల్దేరిన టిడిపి ఎమ్మెల్యేలు

ఏపీ అసెంబ్లీ సమావేశాల్లో కల్తీ సారా మరణాలపై చర్చించాలని టిడిపి పట్టుబట్టగా.. అవి సాధారణ మరణాలేనని, టిడిపి రాద్దాంతం చేస్తోందంటూ అధికార పార్టీ నేతలు తమ ప్రభుత్వంపై వస్తున్న ఆరోపణలను తోసిపుచ్చారు. ఇటీవలే టిడిపి అధ్యక్షుడు నారా చంద్రబాబు నాయుడు బాధిత కుటుంబాల సభ్యులను పరామర్శించారు. తాజాగా టిడిపి ఎమ్మెల్యేలు బాధిత కుటుంబాలను పరామర్శించేందుకు జంగారెడ్డిగూడెంకు బయల్దేరారు. పార్టీ కేంద్ర కార్యాలయమైన ఎన్టీఆర్ భవన్ నుంచి అచ్చెన్నాయుడు నేతృత్వంలో ఎమ్మెల్యేలు ప్రత్యేక బస్సులో గూడెంకు పయనమయ్యారు. మృతుల కుటుంబాలను పరామర్శించి.. మొత్తం 27 కుటుంబాలకు.. ఒక్కో కుటుంబానికి లక్ష చొప్పున రూ. 27 లక్షల పరిహారం ఇవ్వనున్నారు.