ఆ ఎస్పీ చెప్పేవన్నీ పచ్చి అబద్దాలు

పట్టాభిని కొట్టలేదనడం అంత అబద్ధం మరొకటి లేదన్నారు. పట్టాభిని అంతగా కొట్టకపోతే చివరకు అన్నం తినే పరిస్థితుల్లో కూడా ఎందుకు లేడని ప్రశ్నించారు. పార్టీ కార్యాలయంపై దాడి జరిగిందని తెలిసిన తర్వాత పట్టాభి గన్నవరం వెళ్లడం ఎలా తప్పవుతుందని అన్నారు. తొలి దశలోనే పోలీసులు చర్యలు తీసుకుని ఉంటే ఇంతటి విధ్వంసకాండ జరిగి ఉండేదా? అని వర్ల రామయ్య ప్రశ్నించారు. తన అనుచరులను వంశీ పంపించి దాడులు చేయించింది నిజం కాదా? వైసీపీ గూండాలు టీడీపీ కార్యాలయంపై దాడి చేస్తుంటే పోలీసులు ఏం చేస్తున్నారని ప్రశ్నించారు. బీసీ నేత దొంతుచిన్నా కారుకు నిప్పు పెట్టిన వారిపై ఎలాంటి కేసులు నమోదు చేయలేదన్నారు.