Tirumala : నేరుగా శ్రీవారి దర్శనం.. ఈరోజు తిరుమలకు వెళ్లిన వారికి?
తిరుమలలో భక్తుల రద్దీ తక్కువగా ఉంది. భక్తులు పెద్ద సంఖ్యలో లేరు
తిరుమలలో భక్తుల రద్దీ తక్కువగా ఉంది. భక్తులు పెద్ద సంఖ్యలో లేరు. ఉగాది తర్వాత రోజు బుధవారం నాడు భక్తులు అతి తక్కువ మంది తిరుమలలో ఉన్నారు. క్యూ కాంప్లెక్స్‌లోని కంపార్ట్‌మెంట్లలో భక్తులు పెద్దగా లేరు. ముందుగా అడ్వాన్స్ బుక్ చేసుకున్న వారు మాత్రం తిరుమలకు చేరుకుని శ్రీవారిని దర్శించుకుంటున్నారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శనం గంటలో పూర్తవుతుందని తిరుమల తిరుపతి దేవస్థానం అధికారులు వెల్లడించారు.
హుండీ ఆదాయం మాత్రం...
నిన్న తిరుమల శ్రీవారిని 55,756 మంది భక్తులు శ్రీవారిని దర్శించుకున్నారు. వీరిలో 17,866 మంది భక్తులు తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 2.71 కోట్ల రూపాయల ఆదాయం వచ్చిందని అధికారులు వెల్లడించారు. ఈరోజు వైకుంఠం క్యూ కాంప్లెక్స్‌లోని కంపార్ట్‌మెంట్లన్నీ ఖాళీగానే దర్వనమిస్తున్నాయి. కంపార్ట్‌మెంట్లలో వేచి ఉండకుండానే నేరుగా భక్తులు శ్రీవారిని దర్శించుకుంటున్నారు. సర్వదర్శనం క్యూలైన్ లో భక్తులకు శ్రీవారి దర్శనం నాలుగు గంటల సమయం పడుతుంది.