Kuppam : పోలింగ్ కు 48 గంటల ముందు కుప్పంలో టెన్షన్ టెన్షన్

అలాగే కుప్పం మండలం యమనాసనపల్లిలో కూడా ఉద్రిక్తత చోట చేసుకుంది. స్థానికులపై వైసీపీ సర్పంచ్ సురేష్ దౌర్జన్యానికి దిగారని టీడీపీ నేతలు చెబుతున్నారు. డబ్బులు పంచుతుండగా సర్పంచ్ ను మహిళ అడ్డుకున్న సందర్భంలో దాడి జరిగింది. ప్రశ్నించిన మహిళపై సర్పంచ్ సురేష్ దాడి చేశారు. వైసీపీ సర్పంచ్ సురేష్ ను గ్రామస్థులు నిర్బంధించారు. మహిళ పైనే దాడి చేస్తారా అంటూ గ్రామస్థులు నిలదీశారు. పోలీసులు నచ్చజెప్పాలని చూసినా గ్రామస్థులు శాంతించలేదు. దీంతో పోలీసులు ఆందోళనకారులను చెదరగొట్టారు.