రష్ ఎక్కువ... ఆదాయం తక్కువ
తిరుమలలో భక్తుల రద్దీ ఎక్కువగానే ఉంది. గురువారం కూడా భక్తుల రద్దీ కొండపైన కొనసాగుతుంది.
tirumala rush
తిరుమలలో భక్తుల రద్దీ ఎక్కువగానే ఉంది. గురువారం కూడా భక్తుల రద్దీ కొండపైన కొనసాగుతుంది. వైకుంఠం క్యూ కాంప్లెక్స్ లోని 19 కంపార్ట్మెంట్లలో భక్తులు స్వామి వారి దర్శనం కోసం వేచి ఉన్నారు. సర్వదర్శనం క్యూ లైన్ లో ఉన్న భక్తులకు 24 గంటల దర్శన సమయం పడుతుందని తిరుమల తిరుపతి దేవస్థానం అధికారులు తెలిపారు. ఇప్పుడు సర్వదర్శనం క్యూలైన్ లోకి ప్రవేశించే వారికి అదనంగా మరో నాలుగు గంటల సమయం పడుతుందని అధికారులు వెల్లడంచారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు మూడు నుంచి నాలుగు గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారిని 71,299 మంది భక్తులు దర్శించుకున్నారు. వారిలో 28,288 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 3.26 కోట్ల రూపాయలు అని అధికారులు తెలిపారు.