Tirumala : ఇంత రద్దీనా.. ఏడుకొండలవాడి దర్శనానికి ఇంత సమయమా?

తిరుమలకు గత కొద్ది రోజుల నుంచి భక్తుల రద్దీ ఎక్కువగానే ఉంటుంది. శని, ఆదివారాలు మాత్రమే కాకుండా వారంలో అన్ని రోజులూ ఎక్కువ మంది భక్తులు స్వామి వారిని దర్శించుకునేందుకు వస్తుండటంతో అందుకు తగిన ఏర్పాట్లను తిరుమల తిరుపతి దేవస్థానం అధికారులు చేస్తున్నారు. ఎన్ని ఏర్పాట్లు చేసినప్పటికీ దర్శన సమయం మాత్రం తగ్గడం లేదు. ఈరోజు తిరుమలలోని వైకుంఠం క్యూ కాంప్లెక్స్ లోని పదిహేడు కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం ఇరవై గంటల సమయం పడుతుంది. టైమ్ స్లాట్ టిక్కెట్లు ఉన్న భక్తులకు ఆరు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటలకు పైగానే సమయం పడుతుందని అధికారులు తెలిపారు. నిన్న తిరుమల శ్రీవారిని 68,146 మంది భక్తులు దర్శించుకున్నారు. వీరిలో 22,667 మంది భక్తులు తమ తలనీలాలు సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.23 కోట్ల రూపాయలు వచ్చిందని అధికారులు తెలిపారు.