30 గంటలు వెయిట్ చేయాల్సిందే
తిరుమలలో భక్తుల రద్దీ ఎక్కువగా ఉంది. గురువారం భక్తుల రద్దీ ఎక్కువగా ఉంది.
తిరుమలలో భక్తుల రద్దీ ఎక్కువగా ఉంది. గురువారం భక్తుల రద్దీ ఎక్కువగా ఉంది. ఈరోజు వైకుంఠం క్యూ కాంప్లెక్స్ లోని 20 కంపార్ట్మెంట్లలో భక్తులు స్వామి వారి దర్శనం కోసం వేచి చూస్తున్నారు. సర్వదర్శనం క్యూ లైన్ లో వేచి ఉన్న భక్తులకు స్వామి వారి దర్శనం కోసం 30 గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు. ఇప్పుడు సర్వదర్శనం క్యూలైన్ లో ప్రవేశించే వారికి అదనంగా సమయం పడుతుందని తెలిపారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన వారికి స్వామి వారి దర్శనం మూడు నుంచి నాలుగు గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారిని 68,469 మంది భక్తులు స్వామి వారిని దర్శించుకున్నారు. వారిలో 27,025 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 4.14 కోట్ల రూపాయలు వచ్చిందని అధికారులు వెల్లడించారు.