వైకుంఠం క్యూ కాంప్లెక్స్ ఫుల్

తిరుమలలో భక్తుల రద్దీ కొనసాగుతోంది. కొండపై ఉన్న వైకుంఠం క్యూ కాంప్లెక్స్ లోని కంపార్టుమెంట్లన్నీ భక్తులతో నిండిపోయాయి. భక్తుల రద్దీ మరింత పెరిగితే.. క్యూ కాంప్లెక్స్ వెలుపలికి కూడా క్యూలైన్లు పెరిగే అవకాశం ఉంది. స్వామివారి సర్వదర్శనానికి 30 గంటల సమయం పడుతుందని టీటీడీ వెల్లడించింది. నిన్న 74,583 మంది భక్తులు స్వామివారిని దర్శించుకుని మొక్కులు చెల్లించుకున్నారు. అలాగే 40,343 మంది భక్తులు తలనీలాల మొక్కులు చెల్లించుకున్నట్లు టీటీడీ వెల్లడించింది. గురువారం భక్తుల కానుకల ద్వారా స్వామి వారి హుండీ ఆదాయం రూ.3.37 కోట్లు వచ్చినట్లు తెలిపింది.