Tirumala : భక్తులు తక్కువైనా ఆదాయం మాత్రం అదిరింది
నేడు తిరుమలలో రద్దీ సాధారణంగానే ఉంది. తిరుమలలో భక్తుల సంఖ్య స్వల్పంగానే ఉంది. ఆదాయం భారీగానే వచ్చింది
devotees, normal, income, tirumala, darshan, timings
నేడు తిరుమలలో రద్దీ సాధారణంగానే ఉంది. తిరుమలలో భక్తుల సంఖ్య స్వల్పంగానే ఉంది. కంపార్ట్‌మెంట్లలో భక్తులు పెద్దగా లేరు. దీంతో స్వామి వారి దర్శనం త్వరగా పూర్తవుతుంది. గురువారం కావడంతో శ్రీవారి దర్శనానికి స్వల్ప సంఖ్యలోనే భక్తులు వస్తారు. వీకెండ్ లో మాత్రం అధిక సంఖ్యలో వస్తారు. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు ఈరోజు శ్రీవారి దర్శనం గంట నుంచి రెండు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు.
ఎనిమిది గంటల సమయం...
ఈరోజు తిరుమలలోని వైకుంఠం క్యూ కాంప్లెక్స్‌లోని రెండు కంపార్ట్‌మెంట్లలోనే భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్ లోకి ఈరోజు టోకెన్లు లేకుండా ఉదయం ఏడు గంటలకు ప్రవేశించిన భక్తులకు స్వామి వారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 64,635 మంది భక్తులు దర్శించుకున్నారు. వీరిలో 19,553 మంది భక్తులు తలనీలాలను సమర్పించారు. నిన్న తిరుమల శ్రీవారి హుండీ ఆదాయం 4.64 కోట్ల రూపాయలు వచ్చింది.