Devaragattu : కర్రలతో కొట్లాట.... పోలీసుల ఆంక్షల మధ్య

కానీ ఇది సమరం కాదని, కేవలం సంప్రదాయమేనని గ్రామస్థులు చెబుతారు. పోలీసుల ఆంక్షలు పనిచేయవని వారు అంటున్నారు. ఈ బన్నీ ఉత్సవంలో తండా, నెరణికి, కొత్తపేట గ్రామాలకు చెందిన ప్రజలు పాల్గొంటారు. కర్రలకు ఇనుప చువ్వలు కట్టి మరీ కొట్టుకుంటారు. ఈ సమరంలో తలలు పగులతాయి. అనేక మంది గాయాలపాలవుతారు. ప్రభుత్వం కొన్నేళ్ల నుంచి అక్కడికక్కడే ప్రాధమిక వైద్య సేవ సదుపాయాలను కల్పిస్తున్నా కొందరు మాత్రం తీవ్రంగా గాయపడుతుండటంతో పోలీసులు ఆంక్షలు విధించారు. దేవరగట్టు కర్రల సమరం సందర్భంగా పోలీసులు ప్రత్యేక పోలీసు బందోబస్తును ఏర్పాటు చేశారు. రెండువేల మంది పహారా కాస్తున్నారు. వంద పడకల తాత్కాలిక ఆసుపత్రిని కూడా అక్కడ ఏర్పాటు చేయడం విశేషం.